中亞牧羊主人要求義工支付領養費才可接走

呢隻中亞牧羊主人「7 仔」係日前城城小編報導過被棄養但極速尋到家嘅「花花」同伴。「7 仔」每天困喺戶外狹窄嘅狗籠入面，義工想救走，但主人要求支付領養費先可接走，義工並冇妥協。經過一番糾纏之後，主人通知義工決定棄養，要求義工盡快接走「7 仔」。

義工表示：「 『7 仔 』生活環境實在太差，而中亞牧羊呢個品種原本係生活喺寒冷地方嘅，並需要較大活動空間，根本唔適合戶外困籠飼養。主人對狗狗的日常照顧非常惡劣，剛剛告知我哋『7 仔 』身上有被蜜蜂針咬引致的膿瘡，但未曾計劃過帶佢去睇醫生，所以我哋不得不插手處理。」

「7 仔」資料：

品種 ：中亞牧羊犬

性別 ：男

年齡 ：六個月大

棄養原因 ：主人 BB 剛出世

健康情況 ：未明

「7 仔」現急尋暫托 ／領養家庭，有意請 inbox 聯絡「浪貓薈」了解更多。

溫馨提示：中亞牧羊犬屬巨大型狗隻，平均體重介乎40 - 80 kg，需要的活動範圍較大。請大家領養前，停一停，諗一諗，狗狗係生命並非玩具，動物亦有情緒，到新環境都需要時間適應。

授權轉載：浪貓薈