網民工廈後樓梯發現浪浪 好心人到場接走並收留
日前，有網民喺工廈後樓梯發現一隻身型非常瘦削嘅貓咪，疑似浪浪。該網民隨即出 PO：「有冇人可以救救佢！應該係浪浪！青衣工業中心 E 座 5 樓後樓梯！」
有好心人立即到場幫忙搵貓。搵到貓咪後，佢先帶貓咪去佢做嘢嘅地方，並出 PO update 大家：「貓咪安全！好乖，抱到！頭先入箱過籠都無掙扎，而家唔郁佢住，等佢適應咗，夠番營養會帶佢睇醫生！佢唔算好怕人，我會照顧佢先！」
愛貓人士紛紛留言多謝好心人，更有人願意支援物資：「物資需要可以出聲呀」、「我有乾糧，有需要可以聯絡我」。
資料來源：Cmlcilvoek Lok
其他資訊
