清水灣郊野公園有兔仔出沒 斷手斷腳被遺棄 今早終被包抄救起
【#好人好事】尋日有網民於FB「香港兔友群組」向兔廬 @tolobunny 求救，話早一日喺清水灣大坳門見到隻斷手兔兔，並強調 #香港無野兔 、偌大嘅郊野公園面積增加救援難度，以及酷熱天氣⋯⋯ 經過呢兩日嘅各方搜索，兔兔基地動物救援 @bunny_base_rescue 的獨立義工和3位好心市民，今早一齊合力包抄，成功捉到受傷棄兔！
兔兔基地動物救援指，兔兔有腳瘡、右手甩骹、右上肢曾有骨折、右腳3隻腳趾甩骹變形、右腳掌腳骨亦有異常，而X光結果顯示所有骨折位置均已癒合，即代表兔兔骨折情況已經有一段日子，並且已不正常癒合。兔兔曾骨折卻沒有即時得到醫治，並且被遺棄於偏遠郊野公園，造成嘅傷害是永久性、不可逆轉的。
「兔兔十分年輕，約一至兩歲，女仔，真係好心痛，咁細個就咁就一世啦。」多謝今次多位義工和市民日夜入郊野公園救兔，等佢唔洗喺外面受苦。
資料來源：兔兔基地動物救援 @bunny_base_rescue
其他資訊
