愛貓2019年暴風雨夜失蹤 小天使降臨陪伴封城間喪妻的老人 今終回家與家人團聚

【#天使貓貓降臨】2019年10月一個暴風雨之夜，英國一隻貓貓Joey不幸走失，令Ms. Mundy 屋企人好傷心，尤其當時僅3歲嘅仔仔 Riley。「我們在Riley出生前就養Joey了。他缺少了牠的陪伴。」雖然 Ms. Mundy 夫婦竭盡全力去揾，但Joey都係音訊全無⋯⋯

但2個星期前，上月18日， Ms. Mundy 收到當地貓貓動保組織嘅電話，話 Joey 不但無死，仲一直住喺距離佢哋僅5公里外嘅老人家中！呢位老人喺疫情期間失去咗妻子，獨自居住。而喺孤單嘅日子入面，Joey 好神奇地，好似小天使咁出現喺老人家中，陪伴他渡過咗英國lockdown嘅日子。

經過近5年嘅相伴，直到老人被送往醫院接受臨終護理時，佢孫女先幫Joey掃晶片，兩個家庭終於經當地貓貓動保組織連結埋一齊。「我們倆在電話裡都哭了，」Ms. Mundy話，「我一直跟她（孫女）說，我一直都希望Joey只是找到了一個老人家或老婦人，然後一直陪伴他們，過著最好的生活。」

如今，Joey已經安全返到熟悉嘅屋企，迎接即將到來嘅11歲生日。「我們把牠抱進屋，牠就坐在牠平時坐的電腦椅上，」Ms. Mundy話Joey適應得好快「牠是回來過生日的。」

收聽感人的完整電話訪問：https://www.bbc.com/news/articles/c725w3605k3o

資料來源：BBC News