元朗寵物友善屋苑昨中午現瘦削比利時牧羊 一歲仔傷痕纍纍 寵物美容店幫hold 訓犬師暫收留
【好人好事】（更正：狗狗品種應為比利時牧羊犬）#協尋 主人啊！呢隻目測一歲左右嘅比利時牧羊仔仔，尋日中午被人發現喺元朗寵物友善屋苑Park Yoho範圍內遊蕩，就帶咗佢去屋苑內嘅寵物美容店hold住先，再喺寵物美容店收舖前，由一位訓犬師接走收留。
訓犬師耀Sir帶左佢去檢查，之後發現狗狗耳背、大髀、腳底、嘴部、頸部都有傷痕；冇晶片；係男仔，1歲左右⋯⋯·
今朝訓犬師再更新狗狗情況：「休息咗一晚，呢位美男開始有返啲活力喇！主人你喺邊呀？？」，向大家展示狗狗活潑陽光型男一面！咁可愛乖豬，希望主人快啲出現啦，無論係原本主人，定係一個新嘅幸福屋企！城城小編多謝每一位幫手hold住狗狗嘅好心人！
資料來源：Facebook @ AsOne K9
其他資訊
