貓貓趴石硤尾後巷坑渠 有頸圈有名牌 社企餐廳暫托中
【#走失貓貓】今早11點左右，有網民見到石硤尾荷花護老院後巷入面，有隻有頸圈有名牌，一看就知有屋企有主人嘅貓貓 ，好可憐咁趴喺坑渠入面。
附近有分店，又十分愛貓嘅社企餐廳膳心小館 @agapegardenhk ，而家暫時收留貓貓喺佢哋嘅石硤尾店。同事亦已問咗附近菜檔及藥行，佢哋均指貓貓唔係佢哋嘅店貓；膳心小館員工又指佢好親人，今早一捉就得，只係用左2秒，所以覺得主人應該係錫貓，於是懷疑走失⋯⋯
1點半時膳心小館再更新，發現貓貓有流血情況，不過就話「如果好唔舒服就應該完全唔食野，但佢又好食得喎。」，會盡快帶貓貓去睇醫生！
#協尋 主人啊！主人見到，請直接聯絡膳心小館石硤尾店，用名牌個名相認返啦！
資料來源：膳心小館
其他資訊
