餐廳好心收留流血藥材店貓 原主人上門索貓卻講不出名字 最終報警處理 貓貓轉入愛協 發現爛牙及子宮蓄膿

【虐貓】我哋上星期報道「趴石硤尾後巷坑渠」嘅失貓，原來係一隻10歲左右，相信係被疏忽照顧嘅10歲店貓。以下整理時間線及情況：

▼事源上星期四早上，

有網民見到石硤尾荷花護老院後巷入面，有隻有頸圈有名牌，一看就知有屋企有主人嘅貓貓 🏡，好可憐咁趴喺坑渠入面。附近有分店，又十分愛貓嘅社企餐廳膳心小館 @agapegardenhk ，暫時收留貓貓喺佢哋嘅石硤尾店，發現貓貓有流血情況！

▼同日，區內一間藥材店職員去到膳心小館店內，稱貓係佢店貓，

但無法提供任何貓合照或相片，甚至無法講出貓貓頸牌上寫嘅名字；話貓無打過防疫針、無針卡、無晶片；問佢貓受傷流血，會否安排貓睇醫生，該職員就話要問過老闆先，唔肯定會帶貓睇醫生。最後，對方不斷要求膳心小館交還貓貓，在店內大吵大鬧，令膳心小館店員困擾及害怕，事件就由警方介入，愛協接走貓貓⋯⋯

▼星期六，與愛護動物協會跟進貓貓情況，

指獸醫發現貓貓流血原因主要懷疑是子官含濃流血，估計貓貓原來已有十歲，但仍未絕育，另，牙齒爛了，需要進行手術保命，而愛協會安排及負責手術，不用募資。

知道呢啲情況後，膳心小館及義工們既擔心又憤怒：「我哋唔知所謂前主人，點解唔同佢絕育？點解子宮流血同牙齒壞了，身體差了，都唔安排佢見獸醫？」，並稱已明確向SPCA人員表明，懇求唔好殺貓、要求盡快俾貓接受治療及手術；如果SPCA揾不到合適家庭照顧領養，膳心小館都快將成立之貓貓之家，願意照顧牠終老，或直到有新主人為止。

▼昨日早市，膳心小館指愛協回覆：「如「前主人」未認領隻貓，才會安排進行領養程序」。義工同街坊們都感到非常憂慮，質疑為何唔係直接出領養，仲要以無晶片嘅前主人優先⋯⋯

膳心小館指，可以做嘅已經做咗，但十分擔心，唯有每日打去愛協跟進。城城小編都會密切關注情況，希望大家share出去，令更多人關注呢隻貓貓！

資料來源：膳心小館