美國加州小鎮愛德懷 Idyllwild 12年來有3任狗狗市長Max

【#狗市長】美國加州小鎮愛德懷（Idyllwild）因為太細，所以一直都無市長。但喺過去12年入面，就先後有三位狗市長，而且全部都叫做 Max 。

2012年，Idyllwild 嘅一間動物收容所 Animal Rescue Friends 決定舉辦一次募款活動，同時也是一次只有動物參選嘅市長選舉。喺14隻被提名嘅寵物中，一隻叫Max嘅金毛獲勝，並正式被宣佈為市長。嗰次選舉暨募款活動非常受歡迎，為當地有需要嘅動物籌到3萬幾美元。

市長Max一世任期一年後，於2013年不幸去世。之後，又有另一隻名為 Max 的金毛被正式宣誓就職，接著是上圖中嘅 Max 三世，目前仍在任。每一任 Max 市長都忠實地遵守就職時的宣誓：「我，Max，發誓要忠實地執行作為 Idyllwild 市長的職責。」

根據佢嘅IG @mayormax1，市長的職責包括出席鎮上活動，支持社區項目同倡議，並「代表 Idyllwild 的動物發聲，無論是家養還是野生的。」

市長Max三世深受民眾喜愛，已成為 Idyllwild 嘅一大亮點。一旦有人得知 Max三世在街上活動，大家就會蜂擁而來，想同佢打招呼同摸肚肚。小編心諗，難怪三屆都要係社牛同嗲精暖男金毛去做。

着住特製市長制服嘅 Max三世好難被忽視。佢有各種寫有「市長 Max」字樣嘅背帶，仲會戴各種鮮艷嘅煲呔。Max三世會盡力忍住唔食自己嘅煲呔，但有時都係忍不住—— 舊年一個月內，市長 Max三世嘅政績係食咗三條煲呔。

資料來源：the dodo @thedodo、@mayormax1