膳心小館救被虐店貓 確診貓科卡里西病毒 本日營業額全用作手術費

【#膳心小館 #好人好事】大家仲記得我哋上月尾跟進報道嘅「趴石硤尾後巷坑渠失貓」、「受虐流血藥材店貓」嗎🩸？社企餐廳膳心小館 @agapegardenhk 已經成功從愛協接出貓貓，並取名為「寶寶婆婆」，寓意「家有一老，如有一寶」👵🏻🎉。

而家貓貓除了確診患有高傳染性嘅貓科卡里西病毒，仍在醫院隔離中🏥😢，仲喺口腔發現小腫塊，令旁邊嘅牙齒會痛，需要幫婆婆剝牙🦷，同時對腫塊進行癌細胞採樣⋯⋯費用包括手術、採樣、化驗、住院費，大約要兩萬蚊左右💰💵。

以下為大家整理時間線：

▼7月25日，有網民見到石硤尾荷花護老院後巷入面，有隻有頸圈有名牌，趴喺坑渠入面，社企餐廳膳心小館就暫時收留貓貓喺佢哋嘅石硤尾店，發現貓貓有流血情況！

▼同日，區內一間藥材店職員去到膳心小館店內，稱貓係佢店貓，但無法提供任何貓合照或相片，甚至無法講出貓貓頸牌上寫嘅名字，話貓無打過防疫針、無針卡、無晶片等，仲不斷要求膳心小館交還貓貓，在店內大吵大鬧，令膳心小館店員困擾及害怕，事件就由警方介入，愛協接走貓貓⋯⋯

▼7月27日，愛護動物協會獸醫發現貓貓流血原因主要懷疑是子官含濃流血，估計貓貓原來已有十歲，但仍未絕育，另，牙齒爛了，需要進行手術保命。膳心小館及義工們稱已明確向SPCA人員表明，懇求唔好殺貓、要求盡快俾貓接受治療及手術；如果SPCA揾不到合適家庭照顧領養，膳心小館都快將成立之貓貓之家，願意照顧牠終老，或直到有新主人為止。

▼7月28日早市，膳心小館指愛協回覆：「如「前主人」未認領隻貓，才會安排進行領養程序」。義工同街坊們都感到非常憂慮，質疑為何唔係直接出領養，仲要以無晶片嘅前主人優先⋯⋯

▼8月14日，經過大家關注、傳媒介入、膳心小館客人聯絡兩立法會議員及立法會秘書處出手，膳心小館團隊成功辦手續帶走貓貓，老闆辦入院手續時為貓貓取名「寶寶婆婆」。獸醫驗血報告顯示，貓貓多處出現超標或不合格情況；有胰臟炎、手部出現潰爛、口腔及舌頭生了四粒瘡；整體而言，身體好弱。

膳心小館指：「我哋只係一間街坊小店，救貓時，沒有像愛協咁幸福，有馬會接連撥款。無論救貓及成立貓舍，一分一毫都係靠賣貨，努力賺回來的血汗錢，用在流浪貓醫療費用之上。感恩客人支持，令救回來絕大部份的流浪貓，可以執番條命。感謝。」

▼8月20日，寶寶婆婆唔需要再吊鹽水，有姑娘氹就肯自己食乾糧，但由於患高傳染性的有貓科卡里西病毒，暫時未可以出院。膳心小館團隊每日探貓，門市貼士箱嘅錢全數作貓同事醫療費用。

▼今天（8月26日），獸醫喺寶寶婆婆口腔發現小腫塊，令旁邊嘅牙齒會痛，需要幫婆婆剝牙，同時對腫塊進行癌細胞採樣⋯⋯費用包括手術、採樣、化驗、住院費，大約要兩萬蚊左右。

【#請廣傳！！🔊】膳心小館決定今日石硤尾店，所有餐飲、外賣、到會服務的營業額、貼士、罐罐券，會全數套現用作寳寶婆婆嘅手術費用，希望一至兩日內，可以夠套現手術及醫療費用；門市的貼士箱金錢，亦會全數作貓同事醫療費用！

如果大家想嗌到會、想食飯，不妨多啲去膳心小館，支持下呢間幫好多貓貓嘅餐廳🙏🏻🙏🏻！如果有意了解更多，或支持貓貓的醫療費用，請inbox聯絡膳心小館🙏🏻🙏🏻！

資料來源：膳心小館

#虐貓 #貓 #老貓 #香港動物新聞 #寶寶婆婆 #小店 #膳心小館